Тошкент шаҳар Олмазор тумани ҳокимлигида ўтказилган йиғилишда маҳалла раиси йиқилиб, вафот этди.

Қайд этилишича, 24 ноябрь куни соат 10:00 лар атрофида бўлиб ўтган йиғилиш чоғида “Янги Себзор” маҳалла фуқаролар йиғини раиси ҳушини йўқотиб вафот этган. Қайд этилишича, марҳумнинг исми Шавкат Муродбеков бўлган.

Ҳодисани Олмазор тумани ҳокимлиги матбуот хизмати раҳбари Виталий Толибжонов ҳам тасдиқлади. Аммо, у сўзларига кўра, қўшимча маълумотларни прокуратурадан олиш мумкинлигини, айтган. Бош прокуратура ушбу ҳолат бўйича яқин кунларда расмий муносабат берилишини маълум қилган.

Kun.uz нашрига исмини ошкор қилишни истамаган манбанинг айтишича, 40 кундан бери ҳокимликдаги йиғилишлар давом этмоқда. “Бу учрашувлар қачон тугайди? Ҳар куни совуқда соатлаб ташқарида турамиз”, - деб маълумот берган фуқаро.

• Маҳалла
• tuman