Тошкент вилояти ҳокими Зоир Мирзаев Нурафшон шаҳар ҳудудида “Янги Ўзбекистон боғи” қурилиши учун ер майдони ажратиш тўғрисидаги қарорни имзолади.

Ушбу қарорга кўра, Тошкент вилояти Нурафшон шаҳар Янгиобод МФЙ “Нурафшон бизнес ситй” ҳудудидаги 22,28 гектар ер майдони “Янги Ўзбекистон боғи” қурилиши учун бош режага асосан Тошкент вилояти ҳокимлиги ҳузуридаги “Бизнес марказларни қуриш дирекцияси” Давлат унитар корхонасига доимий фойдаланиш ҳуқуқи билан ажратиб берилади.

— Буюртмачи Тошкент вилояти ҳокимлиги ҳузуридаги “Бизнес марказларни қуриш дирекцияси” Давлат унитар корхонаси (С.Кадиров)га:

— Давлат хизматлари маркази орқали архитектура режалаштириш топшириғи ишлаб чиқиш учун буюртмалар берилсин, ҳамда лойиҳа-смета ҳужжатлари тайёрлаш учун лицензияга эга лойиҳа ташкилоти билан ўрнатилган тартибда шартнома тузади;

— Лойиҳалаш учун ер ости мухандислик иншоотларининг ижро сурати туширилган 1:500 нисбатдаги топографик харита ва геологик хулоса ишлаб чиқиш учун лицензияга эга корхонасига буюртма беради;

— Давлат архитектура ва қурилиш назорати инспекциясига хабарнома юборади;

Шунингдек, мазкур ҳудудда жойлашган мухандислик тармоқларини кўчириш ёки мухофаза ҳудудини сақлаб қолиш ишлари ўз маблағлари ҳисобидан амалга оширилиши инобатга олиш вазифалари юклатилган.

“Вилоят қурилиш бош бошқармаси (Э.Пўлатов)га қурилиш лойиҳа ҳужжатарини белгиланган тартибда расмийлаштирилишига амалий ёрдам бериш вазифаси юклатилсин. Мазкур қарорнинг бажарилишини назорат қилиш эса, вилоят ҳокимининг ўринбосари Ш.Маҳмудов зиммасига юклансин”– дейилади қарор матнида.

• Toshkent viloyati
• Янги Ўзбекистон
• Zoir Mirzayev