Тошкент шаҳар ҳокими Шавкат Умрзоқов иқтисодиёт тармоқлари, ижтимоий соҳа объектлари ва кўп хонадонли уй-жой фондини 2024-2025 йиллар куз-қиш даврида барқарор ишлашга тайёрлаш тўғрисидаги фармойишни имзолади.

Фармойишда кўп квартирали тураржой фондини таъмирлаш учун 58 миллиард 930 миллион сўм сарфланиши белгиланган. Шу сабабдан қуйидаги маблағлар ажратилмоқда:

— Иссиқлик ижтимоий соҳа объектларини мукаммал ва жорий таъмирлашга 2 млрд 793 млн сўм;

— Иссиқлик таъминоти ва асбоб-ускуналарни барқарор ишлашга тайёрлашга 623 млрд 848 млн сўм;

— Ичимлик суви объектларига 27 млрд 208 млн сўм;

— Электр тармоқлари ва қурилмаларга 2 млрд 996 млн сўм;

— Газ таъминоти объектлари ва қурилмаларига 16 млрд 846 млн сўм;

— Ижтимоий соҳа объектларини мукаммал ва жорий таъмирлашга 2 млрд 793 млн сўм.

Фармойишнинг 3-иловасига кўра, куз-қиш мавсумига тайёргарлик учун жами 732 млрд 624,5 млн сўм талаб этилади. Бунинг учун республика бюджетидан ажратиладиган маблағлар 2 млрд 793 млн сўмни ташкил этса, БСК ва корхоналар маблағлари 729 млрд 830 млн сўм миқдорида белгиланган.

• Қарор
• Қонун
• ҳоким