Пойтахтда иссиқлик энергияси ва иссиқ сув таъминоти хизматлари учун янги нархлар белгиланди. Бу ҳақда Халқ депутатлари Тошкент шаҳар кенгашининг 8 ноябрдаги қарорида келтириб ўтилган.

Унга кўра, иссиқлик энергияси ва иссиқ сув таъминоти хизматлари учун тартибга солинадиган нархлар (тарифлар) 1 Гкал энергия учун 664 465 сўм этиб белгиланиши маъқулланди (амалдаги тариф 397 212 сўм/Гкал).

Тарифлар:

— аҳоли учун 91 960 сўм/Гкал (амалдаги тариф 91 960 сўм/Гкал);

— юридик шахслар учун 212 606 сўм/Гкал (амалдаги тариф 141 737 сўм/Гкал);

— бюджет ташкилотлари учун 801 963 сўм/Гкал (амалдаги тариф 502 067 сўм/Гкал).

Бунга Тошкент шаҳрида иссиқлик таъминоти тизимини тубдан яхшилаш, аҳолини иссиқлик энергияси билан узлуксиз ва сифатли таъминлаш, шунингдек, иссиқлик таъминоти тизимини бошқаришда самарали ва илғор тажрибаларни жорий этиш мақсадида қарор қилинган.

• Тошкент
• иссиқ сув