Bloomberg'нинг америкалик мулозимлар орасидаги суҳбатдошлари Украина Қуролли кучлари Курск вилоятида эгаллаб олган ҳудуднинг ярмини аллақачон йўқотганлигини айтмоқда.

“Украина ҳарбийлари қолган ҳудудларни баҳоргача сақлаб туришлари мумкин, шундан сўнг уларнинг қуршовга тушиб қолиши хавфи юқори. Бу Киевни Москва билан бўладиган эҳтимолий музокараларда муҳим босим воситасидан маҳрум қилади. Шу билан бирга, украиналик ҳарбийлар Курск вилоятида режалаштирилганидан кўпроқ вақт қолишга муваффақ бўлди”, – деб ёзмоқда Bloomberg.

Агентликка кўра, Украина Қуролли кучларининг муваффақиятида АҚШнинг Россияга чуқур зарбалар беришга рози бўлиши муҳим роль ўйнаган.

Шунингдек, КХДР Курск вилоятига Украина армиясига қарши курашаётган 12 минг ҳарбийдан ташқари қўшимча равишда яна 8 мингга яқин ҳарбийларини юбориши мумкин.

• Россия
• Украина
• Уруш