“Қозоғистон ва Ўзбекистон ўртасида 2027 йилда янги темир йўлнинг ишга туширилиши икки томонлама юк ташиш ҳажмини ошириш имконини беради”, – деб хабар қилмоқда “Дунё” ахборот агентлиги.

Казинформ халқаро ахборот агентлиги маълумотларига кўра, янги темир йўл линиясининг қурилиши мавжуд Сариоғаш-Тошкент участкасидан юкларни янги тармоққа йўналтириш, Сариоғаш станциясини енгиллаштириш ва экспорт жўнатмаларини ошириш имконини яратади.

“Мазкур режани татбиқ қилиш мақсадида “Самрұқ-Қазина” фондининг “Қазақстан темір жоли” портфель компанияси томонидан қиймати 286 миллиард тенге ($1 – 523,95 тенге) бўлган инвестиция лойиҳаси амалга оширилмоқда”, – деб ёзади Агентлик ҚТЖ матбуот хизмати маълумотига таяниб. Бугунги кунга қадар 203 километрлик темир йўлнинг 100 километрга яқин қисми йиғилиб, лойиҳани амалга ошириш учун 46 бирлик йўл қурилиш техникаси ва 70 дан ортиқ киши жалб қилинган.

• Ўзбекистон
• Қозоғистон
• Temir yo'l