“АҚШ президенти этиб сайланган Доналд Трамп билан боғлиқ хайрия жамғармалари 200 млн доллардан ортиқ маблағи йиғди”, – деб ёзмоқда The New York Times.

Йиғилган маблағлар 20 январь куни бўлиб ўтадиган инаугурация, сиёсий фаолиятни молиялаштириш ва президент кутубхонасига йўналтириш режалаштирилган. Ҳозирга келиб, инаугурация фондида 150 млн доллардан ортиқ маблағ мавжуд. 2017 йил Трамп илк марта президент этиб сайланганда, бу мақсадлар учун 107 млн доллар йиғилган бўлса-да, ўша пайт учун бу рекорд миқдор ҳисобланган.

Хайрия қилган компаниялар орасида Pfizer фармацевтика корпорацияси, Amazon технология гиганти, ChatGPT хизматини ишлаб чиқувчи OpenAI, Meta, шунингдек, криптовалюта билан шуғулланадиган турли ташкилотлар мавжуд.

• АҚШ
• Жамғарма
• Трамп