Тошкент шаҳрида уй-жойларнинг ўртача ижараси 1 млн. сўмни ташкил қилади. Бу ҳақда Давлат солиқ қўмитаси маълум қилди.

Қайд этилишича, жисмоний шахслар 2022 йил 1 январдан кўчмас мулкни ижарага бериш ёки текин фойдаланиш шартномаларини “Э-ижара” хизмати орқали солиқ органларида рўйхатдан ўтказиши шарт бўлиб, 1 октябр ҳолатига солиқ органларида 96 мингдан ортиқ турар жой ижара шартномаси рўйхатга олинган.

Мавжуд маълумотлар таҳлилига кўра Тошкент шаҳрида уй-жой ижараси ўртача ойлик 1 млн. сўмдан кўпроқни ташкил қилади.

Республиканинг бошқа шаҳар туманларида эса ижара ҳақининг ўртача миқдори 630 минг сўмдан 977 минг сўмгача.

Республикада ижарага берилган турар-жой обектлари:
2 млн сўмдан 5 млн сўмгача – 3 240 та;
5 млн сўмдан ортиқ – 255 та.

Эслатиб ўтиш мумкин, солиқ солиш мақсадида 2022-йилда кўчмас мулкни ижарага берувчи жисмоний шахслар учун 1 кв. метр яшаш майдони:

Тошкент шаҳрида – 15 500 сўм;
Нукус ва вилоят марказларида – 9 500 сўм;
бошқа аҳоли пунктларида - 4 000 сўм этиб белгиланган.

Таъкидлаш жоизки, мол-мулкни ижарага беришдан олинган даромадлар мулкий даромадлар таркибига киради ва 12 фоиз ставкада жисмоний шахслардан олинадиган даромад солиғига тортилади. Турар-жойларни талабаларга ижарага берган фуқаролар ушбу даромади учун жисмоний шахслардан олинадиган даромад солиғи тўламайди.

• Ijara to'lovi
• Солиқ
• Тошкент
• Uy-joy