АҚШ шарқий Тинч океанида гиёҳванд моддаларни ташиётгани айтилган учта кемага зарба берди. Бу ҳақда АҚШ Қуролли кучларининг Жанубий қўмондонлиги хабар берди.

Маълумотларга кўра, ҳужумлар оқибатида жами саккиз киши: биринчи кемада уч киши, иккинчисида икки киши, учинчисида яна уч киши ҳалок бўлган. Қўмондонлик хабарига кўра, кемалар халқаро сувларда зарба олган.

АҚШ ҳарбийлари яқинда Кариб ҳавзаси ва Тинч океанидаги кемаларга наркотрафикни назорат қилиш номи остида ҳужум қилиши, шунингдек, кемаларда бўлган одамларга тўғридан-тўғри зарба бериши халқаро ҳамжамиятда “судсиз қатл” деб аталадиган масалалар бўйича мунозараларга сабаб бўлмоқда.

• АҚШ
• Kema
• Тинч oкеани
• hujum