Режеб Таййиб Эрдўған уни “кичкина канализация каламуши” деб атаган немис депутатини судга берди.

Эрдўғаннинг адвокати Туркия раҳбарига ҳақорат ва туҳмат учун жиноий иш қўзғатганини тасдиқлади.
Келтирлишича, Эркин Демократик партиядан (ФДП) немис депутати Волфганг Кубички даъводан хавотирда эмаслигини айтди.

Кубички Туркия ва Европа Иттифоқи ўртасидаги миграция келишуви ҳақида гапирар экан, Эрдўғанга нисбатан “канализация каламуши” атамасини ишлатган эди.

Аввалроқ, Германиянинг қочқинлар сиёсати ҳақидаги изоҳлари Анқара томонидан кескин танқид қилинди ва Германиянинг мамлакатдаги элчиси бу борада чақирилган.

Кейинчалик Кубички канализация каламушларини кичик, ёқимли, аммо айни пайтда ақлли ва айёр мавжудотлар деб ҳисоблашини айтган.

• Эрдоған
• Германия
• Olaf Shols
• Туркия