Жорий йилнинг 7 октябрь куни соат 22:10 ларда Учтепа тумани Лутфий кўчасида 5 та автомобиль иштирокида ЙТҲ содир бўлган. Бу ҳақда Тошкент шаҳар ИИББ ЙҲХБ хабар берди.

Ушбу бахтсиз ҳодиса 2000 йилда туғилган И.И. бошқарувидаги Nexia-3 русумли автомашинаси, 1990 йилда туғилган (аёл) А.Х. бошқарувидаги Lacetti русумли автомашинаси, 1984 йилда туғилган Ж.Б. бошқарувидаги Lacetti русумли транспорт воситаси, 1994 йилда туғилган А.А. бошқарувидаги Spark русумли транспорт воситаси ва 1976 йилда туғилган Х.Ҳ. бошқарувидаги Yutong русумли транспорт воситалари тўқнашиши оқибатида содир бўлган.

Ҳодиса оқибатида тан жароҳати олганлар йўқ. Шунингдек, ҳозирда мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.

• Avtohalokat
• ИИБ
• Тошкент
• Uchtepa
• ЙПХ