Украина–Россия уруши тугаган тақдирда ҳам Москва билан муносабатлар нормал ҳолатга қайтмайди. Бу ҳақда НАТО бош котиби Енс Столтенберг маълум қилди.

"Биз қабул қилишимиз керакки, бу урушнинг тугаши Россия билан муносабатларимиз нормал ҳолатга қайтишни англатмайди. Орқага қайтиш йўқ. НАТО аъзолари мудофаа харажатларини ошириши керак, чунки "хавфлироқ дунё"да хавфсизлик буни талаб қилади", - дейди у.

Шу муносабат билан Столтенберг “Украинани қўллаб-қувватлаш, НАТОнинг ўз хавфсизлигини таминлаш” эканлигига ишонч билдирди.

“Украинани қўллаб-қувватлаганимиз эскалация хавфини оширади, деган қўрқувни эшитаман. Аммо… энди хавф-хатарсиз вариантлар йўқ. Ҳеч кимда шубҳа бўлмасин: энг катта хавф – агар (Россия президенти Владимир – таҳр.) Путин Украинада ғалаба қозонишидир”, — дея хулоса қилди Бош котиб.

• Bosh kotib
• НАТО