Бугун компания расмий сайтида онлайн фаолиятини қайта тиклаётганини маълум қилди. UzavtoSavdo тизимига автомобиллар учун контрактация бошлангандан сўнг қилинган давомли киберҳужумлар, авторизация сўровларини қайта ишлашда муаммоларни юзага келтирди. Бу ўз навбатида, онлайн савдо тизимининг тўлиқ блокланишига олиб келган.

Шунингдек, онлайн шартномаларни расмийлаштириш жараёнида иштирок этадиган бир қатор тизимлар ишламай қолган пайтдан бошлаб, UzAuto Motors ва тегишли тузилмалар мутахассислари томонидан « UzavtoSavdo » тизимидаги носозликларни бартараф этиш ва ишлашини таъминлаш бўйича техник ишлар амалга оширилгани маълум қилинди.

Хабарга кўра, савдо тизимини қайта тиклаш ишлари якунланди. Контрактация учун Chevrolet Cobalt, Damas va Labo автомобилларининг режалаштирилган бутун ҳажми сотувда мавжуд бўлади. Шу билан бирга, қолган бошқа автомобиль моделлари учун контрактация доимгидек тартибда амалга оширилади.

Оммабоп автомобиллар учун онлайн контрактация бугун, 25 декабрь куни соат 14:00 да очилади. Эътибор қаратинг, тизим хавфсизлигини таъминлаш учун онлайн контрактация фақат savdo.uzavtosanoat.uz сайти орқали амалга оширилади.  

• General_Motors
• ЎзАвто