Ўзбекистонлик, ҳозирда Америка фуқароси бўлган эркак хорижий террористик ташкилотларга моддий ёрдам бергани учун айбловлар билан АҚШга экстрадиция қилинди.

У «Чойхона» деб номланувчи тармоқнинг асосчиси ва раҳбари бўлган. ИШИД ва «ал-Нусра» фронтини қўллаб-қувватлаш учун маблағ тўплаган ҳамда хорижлик жангчилар учун маҳаллий қўллаб-қувватлаш тармоғини тузган. У ўзбекистонлик, АҚШ фуқароси, «Козимжон Ғофуров» ва «Козим» номи билан ҳам танилган Довуд Ансорий ҳисобланади.

Ансорий Жорий йилнинг 23 сентябрь куни Грузия пойтахти Тбилиси шаҳридан Нью-Йорк Шарқий туманига экстрадиция қилинган.

«Ўн йил давомида қочиб юрган Ансорий АҚШга қайтиб келди ва у ерда дунёдаги энг шафқатсиз икки террорчилик гуруҳи – ИШИД ва «Ал-Нусра» фронтини қўллаб-қувватлаганликда айбланиши керак», – деди Бош прокурорнинг миллий хавфсизлик бўйича ёрдамчиси Жон Эйзенберг.

«Айблов хулосасида таъкидланганидек, Ансорий ушбу хорижий террористик ташкилотлар учун курашишга умид қилган шахслар учун пул йиғиш, саёҳатни ташкил этиш ва йўл очиш билан шуғулланувчи тармоқни бошқарган. Террористлар қаерда яширинган бўлмасин, қўлга олинишига ёрдам берган маҳаллий ва бошқа ҳамкорларимизга миннатдорчилик билдирамиз. Ўн йилдан кўпроқ вақт олдин айбланувчи ўзининг ўта оғир жиноятлари учун адолатдан қочиш мақсадида АҚШни тарк этган эди», – деди Нью-Йорк Шарқий округи бўйича АҚШ прокурори кичик Жозеф Ноcелла.

• АҚШ
• Грузия
• ИШИД
• Nyu-York
• Терроризм