Ўзбекистонда Рамазон ҳайити байрами муносабати билан ички саёҳатга катта чегирмалар эълон қилинди. Бу ҳақида Туризм ва маданий мерос вазирлиги хабар берди.

Хусусан, Uzbekistan Airways АЖ томонидан байрам муносабати билан 2022 йил 2 майдан 4 майгача амалга ошириладиган маҳаллий авиақатновларнинг барча тарифларига 50 фоиз чегирма жорий қилинган.

Шунингдек, “Ўзбекистон темир йўллари” АЖ томонидан эса Рамазон ҳайити байрами арафасида йўловчиларга янада кўпроқ қулайлик яратиш мақсадида 3-, 4-, 5 май кунлари Самарқанд–Тошкент–Самарқанд йўналишида 767/768-сонли юқори тезликда ҳаракатланувчи “Афросиёб” поездининг қўшимча қатнови йўлга қўйилади.

“Вақф” хайрия жамоат фонди тасарруфидаги пуллик кириш чипталари жорий қилинган маданий мерос обектларида (зиёратгоҳ ва қадамжолар) 30 апрел–1-, 2-, 3-, 4 май саналарида Ўзбекистон фуқаролари учун кириш чипталар нархига катталар учун 20 фоиз ҳамда ёшлар учун 50 фоиз чегирмалар жорий қилинди.

Бундан ташқари, республика бўйлаб жойлашган музейлар, меҳмонхоналар, овқатланиш шохобчалари томонидан ихтиёрий чегирмалар тақдим этилмоқда.

• Ўзбекистон темир йўллари
• Uzbekistan airways
• Vaqf