Ижтимоий тармоқда келтирилган ҳужжатга кўра, маданият вазири Назарбеков Озодбек Аҳмадович “Оҳангарон мўжиза боғи” МЧЖнинг 40 фоиз улушига эгалик қилмоқда.  

Бу ҳақдаги маълумотлар Orginfo.uz сайтида келтирилган. Манбада қайд этилишича, корхона 2011 йил 7 апрелда Оҳангарон тумани ҳокимияти рўйхатидан ўтказилган. Устав фонди 91,3 миллион сўм, бошқарув раҳбари Абдувоҳид Ирсалиев экани кўрсатилган.

Давлат реестрида мазкур МЧЖнинг фаолият тури сифатида данакли ва пўчоқли уруғи бўлган мевалар етиштириш кўрсатилган. Фирманинг юридик манзили эса Тошкент вилояти Оҳангарон туманида жойлашган.

Озодбек Назарбеков 2016 йилда ташкил этилган МЧЖга 100 фоизлик улуш билан таъсисчи бўлиб келгани аниқланган эди.

Эслатиб ўтамиз, ҳукуматнинг 1992 йил 6 мартдаги “Тадбиркорлик фаолияти билан шуғулланиш тақиқланган мансабдор шахсларнинг рўйхати тўғрисида”ги қарорига асосан давлат ҳокимияти ва бошқарув органларининг, ҳуқуқни муҳофаза қилиш органларининг ходимларига тадбиркорлик фаолияти билан шуғулланиши тақиқланган.

• Назарбаев