АҚШ президенти Жо Байден қайта сайланиш учун ўз сайлов кампаниясига пул йиғишни бошлаган эди. Кеча, 5 декабрь куни у Бостонда ҳам Демократик партия учун 3 та донорлар билан учрашув ўтказган.

Айнан шу маросимда Байдин 7 октябрь куни бўлиб ўтган операция давомида ХАМАС аёлларни бир неча бор зўрлаган ва уларнинг жасадларини бўлаклаганини даъво қилган.

Шунингдек, сўнгги бир неча ҳафта ичида қайтарилган гаровдагилар тасаввур қилиб бўлмайдиган шафқатсизлик ҳақида маълумотлар берганини айтиб ўтган.

Унинг сўзларига кўра, ХАМАС исроиллик маҳбус аёлларни зўрлаган, аёлларнинг жасадлари таҳқирланган. Байденнинг бу иддаоларига нисбатан ХАМАС ҳаракати аъзолари жавоб беришди.

Аъзоларнинг фикрича, Байденнинг бу хатти-ҳаракати унинг маънавий таназзулга учраганини исботлади, чунки у Исроилнинг ёлғон даъволарини такрорлаяпти, дейилади.

ХАМАСнинг айтишича, бундай очиқ-ойдин ёлғонларнинг мақсади фаластинликларга қарши Америка қуролларидан фойдаланган ҳолда Исроил режимининг уруш жиноятларини яширишдир.
Қаршилик ҳаракати халқаро оммавий ахборот воситаларини АҚШ ва Исроил томонидан илгари сурилган янги айбловларнинг нотўғрилигини исботлашга чақирган. Исроил геноциди, болаларнинг ўлими ёки шифохоналарни ўз қўмондонлик маркази сифатида ишлатгани ҳануз эътибордан четда қолмоқда, деб хитоб қилган.

• АҚШ
• Байден
• Isroil
• Трамп