Хитойда банк ходимлари аёл олиб келган 100 минг йиртилган пулни тиклади, деб ёзади “Asia One”.

Чжан исмли аёл Хитойдаги банк филиалига кириб, 100 000 та йиртилган банкнотларни ходимларга топширган. Мижознинг сўзларига кўра, унинг келини депрессияга тушиб қолган ва қайчи билан пулларни кесиб ташлаган. Оилага бу пуллар керак, чунки улар кун кечиришда қийналмоқда, деб тушунтирди аёл пулни қайта тиклашни сўраб.

Чжанни ажаблантиргани, банк ходимлари бу талабни бажаришга рози бўлишган. Ишчиларнинг қўшимча қилишича, пулларнинг баъзилари шунчалик кичик кесилганки, уларни аста-секин йиғиш керак бўлган.

“Бутун жараён 22 кун давом этди ва шу вақт ичида улар 32 минг юанни (4,4 минг доллар) ундиришга муваффақ бўлишди. Шундан сўнг банк йиғилган қоғозларни янгиларига алмаштириб, Чжанга топширди. Аёл бунга жавобан ходимларга миннатдорчилик сўзлари ёзилган ипак байроқни совға қилди”, дейилади хабарда.

• Bank
• Хитой
• pul