Global Times хабарига кўра, Хитойда Чикунгуня вируси тарқалган бўлиб, 27 июлдан 2 августгача бўлган даврда 3 000 га яқин иситма ҳолати қайд этилган. Уларнинг 2 770 таси Фошан шаҳрида, яна 65 таси Гуанчжоуда аниқланган.

Мутахассисларнинг таъкидлашича, Чикунгуня вируси чивинлар орқали юқадиган инфекцион касаллик ҳисобланади.

Хитой Миллий Соғлиқни сақлаш комиссияси (НҲC)  аҳолини вирус тарқалишининг олдини олиш учун санитария ва эпидемиологик чораларни кучайтириш, шунингдек, чивинлар кўпаядиган жойларни йўқ қилишга чақирган.

Расмийларнинг баёнотига кўра, Чикунгуня вируси Аэдес чивинлари томонидан юқадиган ўткир юқумли касаллик бўлиб, унга қарши дори мавжуд эмас.

Касалланган одамларда тана ҳароратининг кўтарилиши, кучли бўғим оғриғи ва терида тошма пайдо бўлади. Баъзида касаллик сурункали шаклга ўтиши ёки жиддий асоратлар келтириб чиқариши мумкинлиги билдирилган.

• Вирус
• Хитой