Қиролича Елизавета II нинг дафн маросимини телевидение орқали трансляция қилган 8 нафар режиссёрдан иборат жамоа Британия кино ва телевизион санъат академиясининг BAFTA мукофотини қўлга киритди. Ижодкорлар гуруҳи бир эмас, икки номинация – “Энг яхши режиссёрлар жамоаси” ва “Энг яхши овоз” йўналишлари бўйича мукофотга муносиб деб топилган.

BAFTA мукофотини “Энг яхши пардоз”, “Энг яхши махсус эффектлар” йўналишларида “Аждаҳо уйи” сериали қўлга киритган. “Оғриқли бўлади” комедик сериали эса энг яхши актёрлар жамоаси, сценарий ва монтаж ишлари йўналишида мукофот ғолибига айланган.

BAFTA мукофотининг асосий – “Энг яхши сериал”, “Энг яхши эркак роли” ва “Энг яхши аёл роли” номинациялари бўйича ғолиблари 14 май куни аниқланади.

• Буюк Британия
• Жаҳон
• Кино
• Маданият
• Мукофот
• Qirolicha
• Yelizaveta II
• машҳурлар