Европа Иттифоқи вакиллари 15 минг украиналик аскарни тайёрлаш бўйича Европа Иттифоқи миссиясини ишга тушириш бўйича қарор қабул қилди.

Жорий йилнинг 14 ноябр куни улар тартибсизликларни бостириш учун Эронга қарши санкцияларни кучайтиришни ҳам кўриб чиқадилар, Болқондаги вазият ва БМТнинг иқлим бўйича халқаро конференциясини муҳокама қиладилар.

Келтирилишича, ЕИ Кенгаши Украинани қўллаб-қувватлаш миссиясини бошлаш ва уни молиялаштириш тартиби тўғрисида расмий қарор қабул қилади.
Миссия ЭУМАМ Украине (Европа Иттифоқининг Украинага ҳарбий ёрдам миссияси) деб номланади. Бундай миссияни яратиш тўғрисидаги қарор бир ой аввал, 17-октябр куни қабул қилинган.

Ўшанда Европа Иттифоқининг ташқи ишлар ва хавфсизлик сиёсати бўйича Олий вакили Хосеп Боррел маълум қилганидек, Европа Иттифоқи миссияси 15 минг нафар украиналик ҳарбийни ўқитиши керак. Миссия 24 ойга мўлжалланган ва унга 107 миллион евро ажратилиши керак.

Европа Иттифоқи ташқи ишлар хизмати маълумотларига кўра, миссия Украина Қуролли кучлари ва ҳудудий мудофаа бўлинмаларини индивидуал, жамоавий ва махсус тайёргарликдан ўтказади.

Шунингдек, Европа Иттифоқининг Украина Қуролли кучлари учун ўқув базалари Германия ва Полша ҳудудида жойлаштирилади.

• АҚШ
• Украина
• Yevropa Ittifoqi