Украина президенти Володимир Зеленский бўлган самолёт маҳаллий вақт билан 10.30 дан олдин РАФ самолётида қўнди. Уни Лондондаги Станстед аеропортида бош вазир Риши Сунак кутиб олди.

“Президент Зеленскийнинг Буюк Британияга ташрифи ўз мамлакатининг жасорати, қатъияти ва курашидан, мамлакатларимиз ўртасидаги дўстлик дахлсизлигидан далолатдир”, — дейилади Британия бош вазири Риши Сунак баёнотида.

Қайд этиш керакки бу Зеленскийнинг махсус операция бошланганидан бери Британияга биринчи ташрифидир.

Украина раҳбари бугун тушдан кейин Букингем саройида қирол Чарлз билан учрашади. Ундан олдин у жаноб Сунак билан Буюк Британиянинг Украинани қўллаб-қувватлашини муҳокама қилади.

“Зеленский Британияда тайёргарликдан ўтаётган Украина қўшинларининга олдига ҳам ташриф буюради ва маҳаллий парламент олдида нутқ сўзлайди”, дейилади баёнотда.

Сунак идораси, шунингдек , Украина Қуролли кучларини денгиз ва ҳавода тайёрлашни, жумладан, қирувчи учувчилар ва денгиз пиёдаларини тайёрлашни кенгайтириш режаларини ҳам эълон қилди . Бундан ташқари, Лондон ҳарбий техника етказиб беришни тезлаштирмоқчи. Баёнотда айтилишича, тренинг учувчиларга келажакда НАТО стандартидаги замонавий қирувчи самолётларни бошқариш имконини беради.

Зеленский қўнганидан кўп ўтмай, Буюк Британия яъна Россия санкцияларини эълон қилди, жумладан, Россияга учувчисиз самолётлар каби ҳарбий техника етказиб берувчи олтита ташкилотга ҳамда “Кремл элиталари орасида бойлик ва ҳокимиятни сақлаб қолишга ёрдам берувчи “ёвуз молиявий тармоқлар”га алоқадор саккиз нафар жисмоний ва бир юридик шахсга қарши", деди ҳукумат.

• Буюк Британия
• Зеленский