Украина Президенти Владимир Зеленский АҚШга ташриф буюрди. Президент Нью-Йоркка БМТ Бош Ассамблеяси тадбирларида иштирок этиш учун етиб борган.

Президент АҚШга ташрифи чоғида Пенсилвания штатидаги заводга ташриф буюрди. 

Маълумот учун, у ерда Украина армияси эҳтиёжлари учун снарядлар ишлаб чиқарилади. Мазкур завод Украина учун 3 млндан ортиқ снаряд ишлаб чиқариб берган. 

Ҳозирги вақтда АҚШ ишлаб чиқариш линияларини қайта ишга туширишга сармоя киритиши натижасида заводда ойига 40 мингдан ортиқ снарядлар ишлаб чиқарилмоқда. Кейинги ойга келиб эса 100 минггача ўқ-дорилар ишлаб чиқаришни режалаштирмоқда.

Умуман олганда, АҚШ Украинанинг энг йирик донори бўлиб, мамлакатга НАТО ва ҳамкор давлатлар томонидан уни ҳимоя қилишда ёрдам бериш учун тўпланган 106 миллиард доллардан 56 миллиард доллардан ортиқ маблағни АҚШ тақдим этади.

• АҚШ
• Украина
• zavod