“Мени ҳибсга олишганининг сабаби бу Франция полициясининг хатоси эди. 2024 йил августигача улар Франция ва Европа қонунларини менсимаган, Telegram’га сўров юбориш учун зарур бўлган қонуний тартибга риоя қилмаган. Тўғри тартибни билиш учун уларга шунчаки Google орқали қидириш ёки сўраш кифоя эди”, — деб ёзди Дуров ўзининг Telegram каналида.

Унинг сўзларига кўра, Telegram асосчиси ўшанда номаълум шахслар мессенжердан жиноятларни мувофиқлаштириш учун фойдалангани сабабли 4 кунга ушлаб турилган.

“Платформа фойдаланувчиларининг ҳаракатлари учун унинг бош директорини ҳибсга олиш ҳуқуқий ва мантиқий жиҳатдан мутлақо ғалати эди”, — дея таъкидлади Дуров.

Telegram асосчисининг қўшимча қилишича, бу “ғалати ҳибс”дан бир йил ўтгач ҳам, у ҳар 14 кунда Францияга қайтиб боришга мажбур, шу билан бирга апелляция ҳали ҳам мавжуд эмас.

“Ҳибсга олинишимнинг биргина “фойдаси” — Франциянинг эркин мамлакат сифатидаги имижига катта путур етганидир. Аммо, бир нарса аён, биз курашни давом эттирамиз — ва ғалаба қозонамиз”, — деган Дуров.

• Дуров
• Fransiya
• Politsiya
• Телеграм