Sergeli-8 mavzesida ayol 3 nafar voyaga yetmagan bolasi bilan birga oʻzini 9-qavatdan tashlagan. Oqibatda ayol va uning besh, toʻrt va bir yoshli farzandlari voqea joyida vafot etgan.

Hodisa 2023-yil 3-aprel kuni soat taxminan 19 da Sergeli tumanining 8-mavzesida sodir boʻlgan.

Bosh prokuraturaning maʼlum qilishicha, 27 yoshli A.D farzandlari, 2018-yilda tugʻilgan S.Y, 2019-yilda tugʻilgan S.A va 2022-yilda tugʻilgan S.R.ni qasddan oʻldirish maqsadida, ularni yotoqxona derazasi oldiga olib borgan.

Avval 5 yoshli farzandi S.Y hamda 4 yoshli S.A.ni 9-kavatdan birin-ketin derazadan tashlab yuborib, soʻng kichik farzandi S.R.ni olib, oʻzi bilan birga sakrab, oʻz joniga qasd qilgan.

Ayol va farzandlari olgan tan jarohatlari oqibatida voqea joyida vafot etgan.

• O'lim
• Sergeli