Qozog‘istonning Astana shahri mezbonlik qilgan boks bo‘yicha World Boxing tashkiloti kubogining hisob bo‘yicha uchinchi turniri yakuniga yetdi.

Musobaqada ishtirok etgan Elshod Rasulov boshchiligida O‘zbekiston ayollar terma jamoasi 1  oltin va 4 ta bronza medaliga ega chiqdi. -65 kg vaznda O‘zbekiston sharafini himoya qilgan Navbahor Hamidova shohsupaning eng yuqori pog‘onasiga ko‘tarildi.

U final jangida Olimpiada chempioni, uch karra jahon chempioni, turkiyalik Busenaz Surmenelini 5:0 hisobida mag‘lubiyatga uchratdi. Bu bilan Navbahor jahon chempionati finalidagi mag‘lubiyat uchun Busenazdan revansh oldi. Shuningdek, Hamidova World Boxing kubogida chempionlikka erishgan birinchi o‘zbek ayol bokschisi bo‘ldi.

G‘olib va sovrindorlar:

Oltin medal

-65 kg. Navbahor Hamidova.

Bronza medallar

-54 kg. Feruza Kazakova;

-75 kg. Aziza Zokirova;

-80 kg. Sohiba Ro‘zmetova;

+80 kg. Oltinoy Sotimboyeva.

• Boks
• Jahon kubogi
• Qozog‘iston