31-martdan 5-aprelga qadar Braziliyaning Fos-du-Iguasu shahri World Boxing tashkiloti kubogi bahslariga mezbonlik qildi. Bugun musobaqaning final janglari bo‘lib o‘tdi. Erkaklar jamoasi bilan ishtirok etgan To‘lqin Qilichev boshchiligidagi O‘zbekiston terma jamoasi 7 nafari final yo‘llanmasiga egalik qilib, yakunda ulardan 5 tasi oltin medalni naqd qildi. Yana 2 nafar finalchi esa kumush medallari bilan taqdirlandi.

Qayd etish joiz, O‘zbekiston erkaklar jamoasi 10 ta vaznning 8 tasida sovrindor bo‘lib, 5 tasida oltin medallarni qo‘lga kiritdi. Ushbu natija umumjamoa hisobida birinchilikni olib keldi. Keyingi o‘rinlarda mezbonlar Braziliya 3 ta oltin, 2 kumush va 4 ta bronza bilan ikkinchi, uchinchi o‘rinni esa, Qozog‘iston terma jamoasi band etdi. Ularning hisobida 3 oltin va 3 ta bronza bor.

O‘zbekiston terma jamoasining barcha g‘olib va sovrindorlari:

Oltin medal:

-50 kg. Asilbek Jalilov

-75 kg. Fazliddin Erkinboyev

-80 kg. Javohir Ummataliyev

-90 kg. To‘rabek Habibullayev

+90 kg. Jahongir Zokirov

Kumush medal:

-55 kg. Mirazizbek Mirzaxalilov

-85 kg. Akmaljon Isroilov

Bronza medal:

-60 kg. Madiyar Daniyarov

Terma jamoa murabbiylar shtabi: To‘lqin Qilichev, Rahmatjon Ro‘ziohunov, Akmal Hasanov, Davron Gafurov, Nodir G‘ulomov, Lazizbek Zokirov, Botirjon Mahmudov.

• Boks
• Braziliya
• Jahon kubogi
• O‘zbekiston