Belarus Tergov qo‘mitasi o‘zining Telegram kanalida Minsk osmonida urib tushirilgan jangovar kallakli uchuvchisiz samolyotning qulashi bilan bog‘liq jinoyat ishini tergov qilayotgani haqida xabar berdi.

Dron qoldiqlarida ukrain tilidagi yozuvlar ko‘rinadi.

Dron tunda navbatchi havo hujumidan mudofaa kuchlari tomonidan aniqlangan va elektron urush orqali bostirilgan. U Minskdagi Matusevich ko‘chasidagi 72-uy hovlisida portlamay qulagan. Dron qoldiqlari to‘xtab turgan bir nechta mashinaga zarar yetkazgan va qo‘shni hududga kelib qo‘ngan. Hech kim jabrlanmadi, aholi evakuatsiya qilinmagani ma’lum qilingan.

Tergov qo‘mitasi hodisa sabablarini aniqlamoqda va tergov jarayoni haqida jamoatchilikni xabardor qiladi. Mudofaa vazirligi havo hududidan foydalanish ustidan nazoratni kuchaytirish bo‘yicha qo‘shimcha chora-tadbirlar ko‘rayotganini ta’kidladi.

“Respublika Prezidenti Aleksandr Lukashenko vaziyatni shaxsan nazoratga oldi”, — deyiladi xabarda.

• Belarus
• Minsk
• dron