Global Times xabariga ko‘ra, Xitoyda Chikungunya virusi tarqalgan bo‘lib, 27-iyuldan 2-avgustgacha bo‘lgan davrda 3 000 ga yaqin isitma holati qayd etilgan. Ularning 2 770 tasi Foshan shahrida, yana 65 tasi Guanchjouda aniqlangan.

Mutaxassislarning ta’kidlashicha, Chikungunya virusi chivinlar orqali yuqadigan infeksion kasallik hisoblanadi.

Xitoy Milliy Sog‘liqni saqlash komissiyasi (NHC)  aholini virus tarqalishining oldini olish uchun sanitariya va epidemiologik choralarni kuchaytirish, shuningdek, chivinlar ko‘payadigan joylarni yo‘q qilishga chaqirgan.

Rasmiylarning bayonotiga ko‘ra, Chikungunya virusi Aedes chivinlari tomonidan yuqadigan o‘tkir yuqumli kasallik bo‘lib, unga qarshi dori mavjud emas.

Kasallangan odamlarda tana haroratining ko‘tarilishi, kuchli bo‘g‘im og‘rig‘i va terida toshma paydo bo‘ladi. Ba’zida kasallik surunkali shaklga o‘tishi yoki jiddiy asoratlar keltirib chiqarishi mumkinligi bildirilgan.

• Virus
• Xitoy