BMTning migratsiya agentligi ma’lumotlariga ko‘ra, Yaman sohillari yaqinida yakshanba kuni qayiq ag‘darilib ketishi natijasida 68 nafar afrikalik muhojir halok bo‘lgan va yana 74 kishi bedarak yo‘qolganligi bildirildi.

“Bortida 154 nafar efiopiyalik muhojir bo‘lgan kema Yamanning janubidagi Abyan provinsiyasi yaqinidagi Adan ko‘rfazida yakshanba kuni tongda cho‘kib ketgan”, – dedi Xalqaro migratsiya tashkilotining Yamandagi rahbari.

Uning so‘zlariga ko‘ra, 54 nafar muhojirning jasadi Xanfar tumanida qirg‘oqqa yuvilgan, yana 14 nafari esa o‘lik holda topilib, Abyan viloyatining Zinjibar shahrida joylashgan kasalxona morgiga halok bo‘lganlar jasadlari olib kelingan.

Kema halokatidan faqat 12 nafar muhojir omon qolgan, qolganlari esa bedarak yo‘qolgan va o‘lgan deb taxmin qilinmoqda.

Abyan xavfsizlik boshqarmasi bergan bayonotida, keng ko‘lamli qidiruv-qutqaruv operatsiyasi o‘tkazilgan.

Ta’kidlanishicha, ko‘plab jasadlar qirg‘oqning keng hududiga sochilgan holda topilgan.

• Halokat
• Kema
• Yaman