Mazkur holat yuzasidan jinoyat ishi qo‘zg‘atilib, tergov harakatlari olib borilmoqda.

IIB matbuot xizmati xabariga ko‘ra, Navoiyda Paynet to‘lov terminalini o‘g‘irlagan yigitlar qo‘lga olingan.

Voqea 5-avgustga o‘tar kechasi “Taraqqiyot” mahallasida sodir bo‘lgan. Uch nafar gumonlanuvchi davlat raqamlari bo‘lmagan mashinada terminalga yetib kelgan. Ular niqob va tibbiy qo‘lqop kiyib, so‘ng terminalda 5,2 million so‘m bo‘lgan pulni o‘g‘irlab ketishgan.

Keyinchalik huquq-tartibot idorasi xodimlari yigitlarni hibsga olgan.

Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda. Davlatga yetkazilgan zarar 36,7 million so‘mni tashkil etishi bildirildi.

• IIB
• Navoiy
• O'g'irlik