Surxondaryo viloyati Transport boshqarmasi hamda “Termiztransportxizmat” MChJ hamkorligida Xitoyning “Zhongtong bus” kompaniyasida ishlab chiqarilgan 35 ta zamonaviy avtobus viloyatga yetkazib kelindi. Bu haqda Transport vazirligi xabar berdi.

Yaqinda faoliyatini boshlagan Manguzar avtoshohbekatida ushbu avtobuslarni foydalanishga topshirishga bag‘ishlangan tantanali marosim bo‘lib o‘tdi.

Tadbirda Surxondaryo viloyati hokimi Ulug‘bek Qosimov, “Zhongtong bus” kompaniyasi rasmiylari, transport sohasi mutasaddilari, jamoat faollari va nuroniylar ishtirok etdi.

Zamonaviy avtobuslar tantanali ravishda kompaniya vakillari tomonidan viloyat rahbariga topshirildi.

Yangi avtobuslar to‘liq “Brutto” shartnomasi asosida shahar ichki yo‘nalishlarida qatnovni boshlashi kutilmoqda.

• Avtobus
• Import
• Surxondaryo
• Termiz
• Xitoy