Isroilning Diaspora masalalari va antisemitizmga qarshi kurash vaziri Ammihay Shiklining so‘zlariga ko‘ra, endi shaharni “XAMASni qo‘llab-quvvatlovchi shaxs” boshqaradi.

“Bir vaqtlar umumiy erkinlik ramzi bo‘lgan shahar hokimiyat kalitini 25 yil oldin Nyu-Yorkning uch ming aholisini o‘ldirgan fanatiklarning pozitsiyasidan uncha farq qilmaydigan, XAMAS tarafdori qo‘liga topshirdi”, — deb yozdi Shikli X ijtimoiy tarmog‘idagi sahifasida.

Vazirning fikricha, Nyu-York endi hech qachon avvalgidek bo‘lmaydi, ayniqsa uning yahudiy jamoasi uchun.

“Shu bois yahudiylar Isroil zaminini yangi uylariga aylantirish haqida jiddiy o‘ylab ko‘rishlari kerak. Nyu-York va London jarlikka ochiq ko‘z bilan kirib bormoqda”, — deb qo‘shimcha qildi Shikli.

Ma’lumot uchun, Zohran Mamdaniy Isroil hukumatini “aparteid rejimi”, G‘azodagi urushi esa “genotsid” deb atagan. Biroq u XAMAS haqida hech qanday bayonot bermagan.

• AQSh
• Isroil
• Murojaat
• Nyu-York
• Vazirlik
• saylov