Venesuela Oliy sudi mamlakat vitse-prezidenti Delsi Rodrigesni davlat rahbari Nikolas Maduroning o‘g‘irlab ketilishi munosabati bilan vaqtincha prezident vazifasini bajaruvchi etib tayinladi.

Konstitutsiyaviy palata raisi Karislija Beatris Rodriges ma’lum qilgan.

“Respublika prezidenti, fuqaro Nikolas Maduro Moroning o‘g‘irlab ketilishi oqibatida yuzaga kelgan favqulodda vaziyatni inobatga olgan holda, bu holat uning o‘z vakolatlarini bajarishi uchun moddiy va vaqtinchalik imkonsizlikni yuzaga keltirayotganini hisobga olib, ijro etuvchi vitse-prezidentga Bolivar Respublikasi Venesuela prezidenti lavozimiga xos bo‘lgan barcha vakolatlar, majburiyatlar va funksiyalarni vaqtincha prezident vazifasini bajaruvchi maqomida qabul qilish va amalga oshirish topshirilsin. Bu qaror ma’muriy uzluksizlikni ta’minlash hamda millatni har tomonlama himoya qilish maqsadida qabul qilindi”, – deya palata qarorini o‘qib eshittirgan Rodriges.

Venesuela Konstitutsiyasida, prezident yo‘qligida davlat hokimiyati vitse-prezidentga o‘tishi qayd etilgan.