31°
Kechasi 18°
YHXX ma’lum qilinishicha, 30-mart kuni tungi vaqtda Yashnobod tumani ko‘chalarining birida Malibu va Leapmotor avtomashinalari ishtirokida to‘qnashuv sodir bo‘lgan. Haydovchilar o‘rtasida tortishuv yuzaga kelgani uchun Leapmotor haydovchisi 102 raqamiga qo‘ng‘iroq qilib, davlat raqam belgisiga ega bo‘lmagan Malibu haydovchisi avariya sodir etib, unga nisbatan qo‘pollik qilayotganini bildirgan. Murojaatga asosan tezkorlik bilan voqea joyiga yetib borgan yo‘l patrul xizmati xodimlari holatni rasmiylashtirish chog‘ida mast holatda mashina boshqarib kelgan Malibu haydovchisiga alkotester moslamasi orqali tekshiruvdan o‘tishni taklif qilishgan. Xodimlarning qonuniy talabiga bo‘ysunmagan mast haydovchi ularga faol qarshilik ko‘rsatib, PPX xodimidan biriga musht ham tushirgan.
Ushbu haydovchi boshqa xodimlar hayoti, sog‘lig‘iga zarar yetkazishning oldini olish maqsadida maxsus vositalardan foydalanib, zararsizlantirilgan.
Hozirda qonunbuzar protsessual tartibda ushlanib, unga nisbatan Yashnobod tumani prokuraturasi tomonidan Jinoyat kodeksining 219-moddasi 2-qismi, hokimiyat vakiliga qarshilik ko‘rsatish, 277-moddasi (bezorilik)3-qismi “g” bandi, bezorilik harakatlarining oldini olish chorasini ko‘rgan xodimga qarshilik ko‘rsatish bilan jinoyat ishi qo‘zg‘atildi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
