Forbes jurnali ma’lumotlariga ko‘ra, amerikalik tadbirkor Ilon Mask insoniyat tarixida sof boyligi 800 milliard dollardan oshgan ilk shaxs bo‘ldi. Unga tegishli real boylik miqdori 852 milliard dollarga yetgan.

Mask boyligining keskin oshishiga SpaceX kompaniyasining sun’iy intellekt yo‘nalishidagi xAI kompaniyasini sotib olishi sabab bo‘lgan. Ushbu bitim tadbirkorning sof boyligini bir yo‘la 84 milliard dollarga oshirgan.

Bitimdan avval Ilon Mask SpaceX’ning qariyb 42 foiziga, xAI’ning esa 49 foiziga egalik qilgan. SpaceX 1 trillion dollarga, xAI esa 250 milliard dollarga baholangan qo‘shilishdan so‘ng Mask umumiy qiymati 542 milliard dollarga teng bo‘lgan kompaniyaning 43 foiz ulushini saqlab qoldi. Nashrning ta’kidlashicha, SpaceX hozirda Maskning eng qimmat aktiviga aylangan.

Bundan tashqari, Ilon Mask Tesla kompaniyasining 12 foiz aksiyalariga (178 milliard dollar) hamda 124 milliard dollarlik aksiya opsionlariga ega.

Reytingda ikkinchi o‘rinni Google asoschilaridan biri Larri Peyj egallab turibdi. Uning sof boyligi 281 milliard dollarga baholanmoqda, bu Maskdan qariyb 570 milliard dollarga kam.

• Boylik
• Forbes
• Ilon_Mask
• milliarderlar