Buxoro viloyatida 16 yoshli o‘smir o‘ndan ortiq odamlarning nomiga onlayn kredit olgan. Hodisa Shofirkon tumanida sodir bo‘lgan. 2024-yilning may oyida shikoyatchilardan biri huquq-tartibot idoralariga uning nomiga 54 million so‘mlik kredit olinganini  va uning bank kartasidan yechib olinayotganini ma’lum qildi.

Kiberxavfsizlik markazi xodimlari Jinoyat kodeksining 168-moddasi 2-qismi bo‘yicha jinoiy ish qo‘zg‘atdilar. Tergov davomida jinoyatchi 2008-yilda tug‘ilgan o‘smir ekanligi aniqlandi.

Yigit odamlarning shaxsiy ma’lumotlaridan foydalanib, ularning nomlariga onlayn kreditlar olgan va mablag‘larni onlayn qimor o‘yinlariga sarflagan. O‘smirga nisbatan Jinoyat kodeksining 168-moddasi 3-qismi bo‘yicha jinoyat ishi qo‘zg‘atildi. 

• Buxoro
• Firibgarlik
• Kiberxavfsizlik
• Kredit