Ma’lumotlarga ko‘ra, Andijonlik 18 yoshli qizning behayo tasvirlarini kanallarda tarqatish bilan qo‘rqitgan “kuyov bola” ayol kishi ekanligi aniqlandi. Bu haqda IIV Kiberxavfsizlik markazi xabar berdi.
Andijon tumanida yashovchi 18 yoshli (ayol) A.R. ariza bilan murojaat qilib, “Abror” ismli noma’lum shaxs uning turli fotosuratlari va behayo videolarini internet ijtimoiy tarmoqlariga joylash bilan qo‘rqitib, tasvirlarni tarqatmaslik evaziga pul so‘rayotganini bildirgan.
Tezkor-qidiruv xizmati Kiberxavfsizlik bo‘linmalari tomonidan o‘tkazilgan tadbirlar natijasida, mazkur jinoyatni Namangan shahrida yashovchi 20 yoshli O.A. sodir etgani ma’lum bo‘lgan.
Gumonlanuvchi sifatida tergovga jalb etilgan O.A. Telegram messenjeri orqali jabrlanuvchiga o‘zini “Abror” deb tanishtirib, A.R.ni yaxshi ko‘rib qolganini, kelgusida unga uylanish maqsadi borligini aytib, uning ishonchiga kirgan. Shu orqali u qizning turli fotosuratlari va behayo videotasvirlarini qo‘lga kiritib, ijtimoiy tarmoqlarda tarqatib yuborish bilan qo‘rqitgan. “Kuyov bola” fotosuratlar va videotasvirlarni tarqatmaslik evaziga 1 million so‘m pul olayotgan vaqtida ushlangan.
Mazkur holat yuzasidan O‘zbekiston Respublikasi JKning 165-moddasi 1-qismi bilan jinoyat ishi qo‘zg‘atilib, O.A.ning sodir etilib fosh etilmay qolgan boshqa shu turdagi jinoyatlarga aloqadorligi yuzasidan tezkor-surishtiruv ishlari olib borilmoqda.
Qonunga muvofiq, O‘zbekiston Respublikasi Jinoyat kodeksining 165-moddasi 1-qismidagi jinoiy xatti-harakatlar uchun 3-yildan 5-yilgacha ozodlikdan mahrum qilish jazosi nazarda tutilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!