“Science” jurnali 2021-yilning eng muhim ilmiy kashfiyotlari roʻyxatini eʼlon qildi. Unga koʻra, roʻyxatdagi yetakchilik koronavirus vaksinasiga tegishli.

Nashr eng muhim ilmiy hodisalar qatorida ishlab chiqilgan algoritmlar tufayli oqsillar tuzilishini prognoz qilishda erishilgan yutuqlarni alohida qayd etgan.

Mutaxassislarning aytishlaricha, bu koronavirusning omikron versiyasidagi turkumli oqsillar tuzilishini modellashtirishga imkon beradi.

Roʻyxatdagi qator kashfiyotlar arxeologiyaga tegishli. Endilikda gʻorlar tuprogʻi va yoshi million yildan oshgan qazilma qoldiqlardagi yadroviy DNKni ajratib olish mumkin. Bu esa yoʻq boʻlib ketgan jonivorlar haqidagi maʼlumotlarni chuqurroq tahlil qilish imkoniyati demakdir.

Mutaxassislar termoyadroviy sintez sohasidagi oʻzgarishlarni ham alohida qayd etishgan. Shu yili termoyadroviy reaktor ilk marta uni ishlatish uchun zarur boʻlganidan koʻproq energiya ishlab chiqargan.

2021-yildagi eng muhim ilmiy yutuqlar qatorida Mars haqidagi bilimlar darajasining sezilarli darajada oshgani ham qayd etilgan.

• ilm-fan
• tadqiqot