“Peopleʼs Choice Awards” versiyasiga koʻra, joriy yilning eng yaxshi seriallari roʻyxati eʼlon qilindi.

“2021-yilning eng yaxshi seriali” deya “Loki” tan olingan. Eng yaxshi dramatik serial yoʻnalishidagi gʻoliblik “Ehtiros anatomiyasi”ga berilgan boʻlsa, komediya yoʻnalishida “Men hech qachon...” seriali gʻoliblikka erishgan.

“Loki” serialidagi bosh rol ijrochisi Tom Xiddlston “Televideniyening eng yaxshi aktyori” deb tan olingan. Eng yaxshi kinoaktyor yoʻnalishi gʻolibi Dueyn Djonson, eng yaxshi kinoaktrisa yoʻnalishi gʻolibi Skarlett Yoxansson boʻlgan.

“Yil filmi” sifatida “Qora beva” gʻolib deb tan olindi. Drama yoʻnalishidagi gʻoliblik “Kruella”ga, komedik film yoʻnalishidagi gʻoliblik “Bosh qahramon” filmiga berilgan.

“Burilish” filmi esa “Eng yaxshi oilaviy film” deya eʼtirof etilgan.

• Kino
• Madaniyat
• qiziqarli