2024-yil davomida 100 mingdan ziyod xonadonga ega 2 ming 44 ta ko‘p qavatli uy barpo etilgan. Jon boshiga uy-joy hajmi 19 kvadrat metrdan oshdi (2020-yilda 16 kvadrat metr bo‘lgan).

Umuman, 2024-yili O‘zbekistonda 21,4 million kvadrat metr turar joy va 19,1 million kvadrat metr noturar obyektlar, jami 40,5 million kvadrat metr bino-inshoot qurilgan.

O‘tgan yilda qurilgan 100 ming xonadon hisobiga pudratchilar, boshqaruv va servis, qurilish materiallari, transport kabi sohalarda 350 ming odam ish bilan ta’minlangan. Mebel, elektrotexnika, to‘qimachilik, qurilish materiallari sohalarida qo‘shimcha 11 trillion so‘mlik bozor paydo bo‘lgan.

Qurilishni rag‘batlantirish uchun 2024-yilda 17 trillion so‘m ipoteka krediti ajratilib, quruvchi va developerlarga aylanma uchun jami 3 trillion so‘m mablag‘ berilgan.

Shu boisdan Shavkat Mirziyoyev hokimlar uy-joy qurilishiga faqat ijtimoiy yoki qurilish masalasi deb emas, balki hududini iqtisodiy rivojlanishida asosiy “drayver” sifatida qarashi zarurligini ta’kidlagan.

• Ipoteka
• Kredit
• Shavkat Mirziyoyev
• Videoselektor