Samarqandda 2 gektar yer maydonini 490 ming AQSh dollariga noqonuniy sotishga urinish holati fosh etildi. 1993-yilda tug‘ilgan shaxs Samarqand tumanida yashovchi 1983-yilda tug‘ilgan fuqaro bilan til biriktirib, uning turmush o‘rtog‘iga issiqxona tashkil qilish uchun ajratilgan yer maydonini sotmoqchi bo‘lgan.

Ular xaridorga yer hujjatlarini go‘yoki “mansabdor tanishlari” orqali rasmiylashtirib berishni va’da qilib, oldindan 50 ming dollar talab qilgan.

Davlat xavfsizlik xizmati, Iqtisodiy jinoyatlarga qarshi kurashish departamenti hamda Ichki ishlar organlari hamkorligida o‘tkazilgan tezkor tadbir davomida 1993-yilda tug‘ilgan shaxs 50 ming dollarni olayotgan vaqtida ashyoviy dalillar bilan qo‘lga olingan.

Yer uchastkalarini ajratish va sotish faqat E-AUKSION elektron savdo platformasi orqali qonuniy va shaffof tarzda amalga oshiriladi.