Kecha, 19-aprel kuni bo‘lib o‘tgan A Seriya 33-tur uchrashuvida “Roma” o‘z maydonida “Verona”ni 1:0 hisobida mag‘lub etdi.

Uchrashuvning yagona va mezbonlarga g‘alaba keltirgan golini o‘zbekistonlik hujumchi Eldor Shomurodov 4-daqiqada kiritdi. Ushbu golga Saule ajoyib tarzda uzatma amalga oshirdi. Shomurodov uchun bu so‘nggi uchta o‘yinda ikkinchi gol bo‘lib, u jamoasining 17 o‘yindan iborat mag‘lubiyatsiz seriyasi davom etishiga hissa qo‘shdi. Uchrashuvdan so‘ng, Eldor DAZN’ga bergan intervyusida jamoasining asosiy maqsadi YeChL yo‘llanmasiga ega chiqish ekanligini ta’kidlab, bu yo‘lda “Roma”ga qo‘ldan kelgancha yordam berishini aytib o‘tdi. Ushbu g‘alaba bilan “Roma” muhim uch ochkoni qo‘lga kiritdi.

Eslatib o‘tamiz, o‘zbek hujumchisi kecha “Man of the match” sovriniga ham egalik qildi. Eldor avvalroq “Yuventus”ga qarshi bahsda ham uchrashuvning eng yaxshisi deb topilgan edi.

• A Seriya
• Eldor Shomurodov
• Roma