O‘zbekiston milliy terma jamoasi a’zosi Abduqodir Husanov Fransiyaning “Lans” klubida oktyabr oyining eng yaxshi futbolchisi deb topildi. Bu haqda klub matbuot xizmati xabar berdi.

Ma’lumot uchun, oktyabr oyida 20 yoshli Husanov jamoasining barcha o‘yinlarida ishtirok etib, to‘liq 90 daqiqa harakatlandi.

Joriy mavsum esa himoyachi “Lans” safida jami 11 ta o‘yinda maydonga tushdi va bir qator uchrashuvlarda eng yaxshi o‘yinchi deb topildi.

Bundan tashqari, Husanov Fransiya chempionatining ramziy terma jamoasiga ham kiritilgan edi.