Nodirbek yarim finalda Levon Aronyan bilan kuch sinashib, 3 ta partiyadayoq o‘yin taqdirini hal qilgan va 2,5:0,5 hisobida ishonchli g‘alabaga erishgan. U 2 marta oqlarda o‘ynab g‘alaba qozongan, bitta partiyada qoralarda durang qayd etgan. Shu sababli oxirgi 4-partiyaga hojat ham qolmagan.

Ikkinchi yarim finalda Magnus Karlsen 2,5:1,5 hisobida Fabiano Karuanoni mag‘lub etgan. Demak, finalda Nodirbek Abdusattorov Magnus Karlsenga qarshi dona suradi.

Musobaqa reglamentiga ko‘ra, final bahsidan keyin yana Grand final ham bo‘ladi. Bunda finalda mag‘lub bo‘lgan shaxmatchi hamda boshqa mag‘lub bo‘lganlar o‘zaro saralash bahsida qatnashadi.

Maʼlumot uchun: The Aimchess Rapid-2023 turniri Chempionlar turi doirasiga kiruvchi 4-yirik turnir bo‘lib, unda turli divizionda 56 shaxmatchi qatnashmoqda. Birinchi divizionda 8 ta grossmeyster bor. Turnir g‘olibiga qimmatli reyting ochkolari bilan birga 30 ming AQSh dollari mukofot tarzda beriladi.

• Magnus Karlsen
• Nodirbek Abdusattorov
• Shaxmat