Isroil askarlari G‘azo shahri sharqidagi Et-Tuffah mahallasidagi boshpanani to‘y paytida artilleriya o‘qlari bilan nishonga oldi va olti falastinlikni o‘ldirdi. Bu haqda NTV xabar berdi.

Mamlakat Sog‘liqni saqlash rasmiylarining aytishicha, olti nafar falastinlik halok bo‘lgan, jumladan, ularning bir nafari ayol kishi. Shuningdek, besh kishi yaralangan, ulardan uch nafari og‘ir ahvolda. Yaralanganlar G‘azo shahri markazidagi Baptist shifoxonasiga olib borilgan.

Isroil armiyasi hujumda tinch aholini nishonga olganini tan olgan. Armiya bayonotida 6 nafar falastinlik halok bo‘lgan hujum bo‘yicha tergov boshlagani qayd etilgan. Shuningdek, bayonotda tinch aholiga yetkazilgan zarar uchun afsus bildirilgan va hujumni amalga oshirgan bo‘linmalar “Sariq chiziq”ning g‘arbiy tomonidagi ba’zi tuzilmalarda bir nechta “gumondorlar”ni aniqlagani da’vo qilingan. Hujumda tinch aholi nishonga olingani tan olingan holda, Isroil armiyasi hodisaga aloqador bo‘lmagan shaxslarga yetkazilgan zarar uchun afsusda ekanligini bildirgan.

G‘azo Sog‘liqni saqlash vazirligining ma’lumotlariga ko‘ra, AQSh Prezidenti Donald Tramp 2025-yil 9-oktyabr kuni Isroil va XAMAS o‘rtasidagi sulh rejasining birinchi bosqichini ma’qullaganidan keyin, 11-oktyabrdan beri Isroil hujumlarida 395 dan ortiq falastinlik halok bo‘lgan va 1088 kishi yaralangan.

• Falastin
• Isroil
• Urush