AQSh hukumati Ukraina “ikkinchi Suriya”ga aylanib qolmasligi uchun o‘z qo‘shinlarini yordamga jo‘natishi kerak. Bu talab CBS telekanalida Delaver shtati senatori Kristofer Kuns tomonidan bildirildi. 

Siyosatchi Jo Baydenning AQSh prezidenti sifatidagi faoliyatini hurmat qilishini aytgan, biroq davlat rahbari va uning tashqi siyosat bo‘yicha maslahatchilari AQSh harbiylarini Ukrainaga jo‘natishni istamasligiga rozi emasligini bildirgan. Uning so‘zlariga ko‘ra, Bayden va AQSh ma’muriyati Moskvaga qarshi qattiq sanksiyalar qo‘llash va ilgari chetda qolishni afzal ko‘rgan mamlakatlarni ularga jalb qilish uchun juda ko‘p ishlarni amalga oshirgan. 

“Kelajakda Ukraina qanday Suriyaga aylanishini koʻramiz, deb juda qoʻrqaman. Putin biz uni to‘xtatganimizdagina to‘xtaydi”, – deydi siyosatchi.

Qayd etish joiz, 24-fevraldan buyon AQShning Ukrainaga bergan harbiy yordamining umumiy hajmi 1,7 milliard dollarga, 2021-yil yanvaridan esa 2,4 milliard dollarga baholanmoqda.

• AQSh
• Harbiy
• NATO
• Putin
• Rossiya
• Ukraina