“Milliy tiklanish” partiyasi yetakchisi, Oliy Majlis Qonunchilik palatasi spikeri o‘rinbosari Alisher Qodirov telegram kanalida elektr energiyasi va gaz uchun belgilangan yangi tariflar haqida gapirdi.

Uning fikricha, “Hozirgi muammolar kechagi xatolar bo‘lib, ularni ertaga ham uchratmaslik uchun tuzatish kerak. 1 kilovatt elektr energiyasi narxi 990 so‘m bo‘lganida, davlat birinchi 200 kilovattni 450 so‘m, 1000 kVt.gacha esa 900 so‘m sotayotganidan xursand bo‘lishi kerak. Bu vaziyatda aholi davlat tomonidan qo‘llab-quvvatlanmoqda”.

Shuningdek, deputatning fikricha, bozor munosabatlariga tezroq o‘tish iqtisodiyotimizning o‘sishini, yangi ish o‘rinlarining paydo bo‘lishini, aholi daromadlarining o‘sishini va talabga muvofiq energiya resurslarini yetkazib berishni kafolatlaydi.

• Elektr energiyasi
• Gaz
• To'lov