Gadjetlar bugungi kunda bolalarni nazorat qilish borasida ota-onalarning yordamchisiga aylangan. Ammo, aqlli soatlarning ayrim turlari bolalar uchun xavfli boʻlishi ham mumkin ekan.

Ekspertlar tomonidan oʻtkazilgan tadqiqotlar jarayonida mutaxassislar oʻta ommalashgan qurilmalarni obdon tahlil qilib, ularning aksariyat qismini osonlikcha buzib kirish mumkinligini aniqlashgan. Misol uchun, bolalar oʻrtasida mashhurlikka erishgan”Elari Kidphone 4G” modelida uchta yashirin modul borligi maʼlum boʻlgan, ushbu modullar soat egasining qayerda harakatlanayotgani haqidagi maʼlumotlarni begonalarga ham uzatish imkoniyatiga ega.

Nisbatan hamyonbop boʻlgan “Wokka Lokka Q50” modeliga xavfli qurilma deya baho berilgan. Soatdan serverga uzatib beriladigan maʼlumotlarning hech biri shifrlanmagan. ”Elari FixiTime Lite“ va ”Smart Baby Watch Q19” modellarida ham aynan mana shunday kamchiliklar aniqlangan. Ekspertlar ushbu modellarning parolini buzib kirish juda oson ekani, buning natijasida bolaning ayni vaqtda qayerda ekanligini bilib olish mumkinligini aytib oʻtishgan.

• Foydali
• texnologiya