“BMT Bosh Assambleyasi sessiyasi davomida AQSh maxfiy xizmati Nyu-York shahrida yirik kuzatuv va mobil aloqaga xalaqit yetkazuvchi tarmoqni fosh etdi”, – deb xabar beradi The New York Times.

Tergov jarayonida 100 mingdan ortiq SIM-karta va 300 ga yaqin server musodara qilingan. Aniqlanishicha, bu uskunalar yordamida daqiqasiga 30 million SMS yuborish, mobil aloqa minoralarini ishdan chiqarish va kuzatuv olib borish imkoniyati bo‘lgan.

Kuzatuv tarmog‘i Nyu-Yorkning uchta hududida aniqlanib, bartaraf etilgan. Uskunalar o‘rnatilgan joylarda shiftgacha serverlar va antennalar joylashtirilgani qayd etilgan.Hozirda maxfiy xizmat ushbu tarmoqning BMT sessiyasi ishiga xalaqit yetkazish va hukumat aloqasini izdan chiqarishga urinish bo‘lgan-bo‘lmaganini o‘rganmoqda.